Portal de Gazteaukera

Gazteaukera logotipoa

euskadi.eus

  • Facebook logotipoa
  • Twitter logotipoa
  • RSS logotipoa

Gazteen Euskal Behatokia

Gazteen % 67 pozik daude Euskadin giza eskubideek jasotzen duten errespetuarekin

Argitalpen-data: 

Abenduak 10, Giza Eskubideen Nazioarteko Eguna

Giza Eskubideen Nazioarteko Eguna abenduaren 10ean ospatzen dela-eta, Euskadin giza eskubideen errespetuarekin pozik dauden gazteen portzentajea aurkeztu nahi du Gazteen Euskal Behatokiak.

18 eta 29 urte bitarteko hiru gaztetik bi (% 67) pozik ageri dira Euskadin giza eskubideek jasotzen duten errespetuari buruz galdetzen diegunean: % 12 oso pozik eta beste % 55 nahikoa pozik. Aitzitik, gazteen % 29 ez daude pozik Euskadin giza eskubideek jasotzen duten errespetuarekin. Gainerako % 5ek ez dute beren iritzirik eman.

Euskadin giza eskubideen errespetuarekin pozik dauden gazteen proportzioa nabarmen handitu egin da aurreko urteetatik hona: 2005ean % 35 zeuden pozik, 2009an % 46, 2014an % 62 eta 2018an % 67.

Euskadin giza eskubideek jasotzen duten errespetuarekin pozik dauden 18 eta 29 urte bitarteko gazteen ehunekoaren bilakaera (%)

Datuok Lehendakaritzako Prospekzio Soziologikoen Kabineteak urtero prestatzen dituen Gazteen Argazkiak izeneko txostenetatik atera dira, bai eta Prospekzio Soziologikoen Kabineteak pasa den azaroan argitaratu duen azken 68. Euskal Soziometrotik ere.

GEBren logoa

 Jarrai gaitzazu gizarte-sareetan!

Facebook logoa Twitter logoa

 

Lagundu zabaltzen:

     
Euskadi, auzolana