Audioaren transkripzioa

(Egoera)

Zein da lehenengo egitekoa beste hiri batera bizitzera banoa?
Funtsezkoa da pisua bilatzeko denbora hartzea; dirua aurreztu eta etxe egokia aurkituko duzu.

Eta zer hartu behar dut kontuan etxe bila banabil?
Bizitzeko duzun aurrekontua: etxearen gastua, eta eguneroko joan-etorrietarako beharko duzun dirua. Etxea urrun dago? Nola dago komunikatuta auzoa ikasketa edo lan-gunearekin?

(Irtenbideak)

Non aurki dezaket nire beharretara egokitzen den pisu bat?
Joan aurretik begiratu webguneetan alokairu aukerak, etxe motak eta prezioak ezagutzeko:

• Ikaslea bazara, hainbat unibertsitatek etxebizitza-poltsa propioa dute
• Unibertsitateko ohar-taulatan eta prentsan ere izango dituzu iragarkiak
• Ikasle-egoitzen eta ikastetxe nagusien eskaintzak ere begiratu ditzakezu

 (Aukerak eta arriskuak)

Aldez aurretik alokatzea komeni da ala hobe da azken unera arte itxarotea?
Azken unera arte itxaroten baduzu, zailagoa izango da gustuko etxea aurkitzea.

Eta atzerrira banoa, berdin jokatu behar dut?
Aldez aurretik begiratzea komenigarria da, bai. Gainera, alokairuaren legeak desberdinak izan daitezke herrialdearen arabera. Ustekaberik ez izateko, aurrez informatuta egon behar duzu.

Eta biziko naizen herrialdeko hizkuntza ikasi edo hobetu nahi badut?

Pisukideak tokikoak edo zure ama hizkuntza hitz egiten ez dutenak izatea ziurtatu behar duzu:

• Tokiko familia edo pertsona batekin bizitzea oso kontuan hartu behar zenuke.
• Interneten badira, etxeko lanen truke edo prezio onean, familia-ostatu eskaintzak Bakarrik bizi diren pertsona helduekin pisua partekatzeko programak ere badaude.

 (laburpena)

Beraz?

• Aurrekontua da baldintza nagusia: etxearen prezioa, eguneroko joan-etorriak, jana...
• Bilatu webguneetan, gazteen etxebizitza poltsatan, tauletako eta prentsako iragarkietan
• Ez itxaron azken unera arte, bestela besteek utzitakoa hartu beharko duzu.
• Atzerrian, tokiko hizkuntza ikasteko, aukeratu zure ama hizkuntza ez dakiten pisukideak.