2024ko bigarren hiruhilekoan, Euskadiko 16 eta 29 urte bitarteko gazteen okupazio-tasa % 46,5ekoa da, beraz, esan dezakegu 30 urtetik beherako gazteen ia erdiak lanean ari direla.
Gazteen okupazio-tasak gora egiten jarraitzen du eta 2010etik hona izandako altuena da oraingoa.
Ia ez dago alderik gizon gazteen eta emakume gazteen okupazio-tasen artean (gizonena % 46,8koa da eta emakumeena % 46,2koa da, 2024ko bigarren hiruhilekoan).
Baina badaude aldeak lurralde historikoaren arabera; 2024ko bigarren hiruhilekoan Gipuzkoako gazteen okupazio-tasa da altuena (% 49,4) eta Arabako gazteena, aldiz, baxuena (% 44,4). Bestetik, Bizkaiko gazteen okupazio-tasa Arabakoena baino altuxeagoa da (% 45,1).
Bestalde, gazteen langabezia-tasak behera egin du, berriro ere, eta, bai 2024ko lehenengo hiruhilekoan, bai bigarrenean, % 12ren azpitik dago.
Datu horiek zuzenean lotuta daude Garapen Iraunkorrerako Helburuen 2030 Agendaren 8. Helburuarekin, "Lan duina eta hazkunde ekonomikoa", eta, zehazkiago, 8.5 helmugarekin: Hemendik 2030era, enplegu osoa eta produktiboa eta lan duina lortzea emakume eta gizon guztientzat, baita gazteentzat eta desgaitasunen bat duten pertsonentzat ere, eta balio bereko lanagatik ordainsari berdina jasotzea.
