Alkizako Udalak eratutako Sormenaren Kabia egonaldi artistikoak

Deialdia egiten duena:
Alkizako Udala
Edukia:

Alkizako Udalak, herriko eragileekin elkarlanean, artistek hausnartu, sortu, esperimentatu eta esperientziak partekatzeko egonaldi bat sortu zuen 2017an: SORMENAREN KABIA.

Ekimen honekin, kultura eta arte-sorkuntza hirietatik deszentralizatu nahi ditugu. Alegia, landa-eremuko herri txikietan ere proiektu artistikoak gauzatu daitezkeela erakutsi nahi dugu. Bide horretan lehen urratsak emanak ditugu jada, aurten hirugarren ekitaldia egingo baitugu.

Sormenaren Kabiak hurrengo baliabideak eskaintzen dizkie hautatuak diren artistei: lanerako espazioak; aholkularitza artistikoa; izaera bereko beste hainbat proiektu ezagutzeko erraztasunak; euren lana ezagutzera emateko berariaz egindako ikus-entzunezko bat, ostatua eta 1.000 euroko saria.

Lehenengo bi edizioetan parte hartu duten artisten aholkuak aintzat hartuz, egonaldiak, aurten astebete gehiago iraungo du. Hortaz, hautatuak hiru astez egongo dira Alkizan. Hartara, denbora gehiago izango dute euren proiektuak patxada gehiagoz landu ahal izateko.

Epea:

2020/07/05

Kontaktua:

Telefonoa: 688 604 466

kultura@alkiza.eus
Eremua:

Euskadi

Gipuzkoa

Alkiza

Iturria:
2020-06-02ko 102. Gipuzkoako Aldizkari Ofiziala.
Irudiak: