Boluntariotza: zer da bolondres izatea eta boluntariotza agentziak Euskadin

Zer da bolondres izatea?

Pertsona boluntarioa interes orokorra duten ekintzetan ondorengo baldintzak betez parte hartzen duena da:

Modu eskuzabal eta solidarioan.
Boluntarioki eta askatasun osoz.
Irabazi asmorik gabeko elkarteetan eta proiektu eta programa konkretuak dituzten erakundeetan parte hartzen duena.
Ordain-saririk jasotzen ez duena eta ordaindutako profesionalak ordezkatzen ez dituena.

Jarraitu beharreko pausoak

Boluntario bezala lanean hasi nahi baduzu, izan itzazu ondorengo pausoak kontuan. Hasi behar duzun bidean lagungarri izango dituzu:

Pentsa ezazu dituzun motibazioen inguruan.
Zer nolako ardura izan dezakezun zehaztu.
Lan egin behar duzun taldearekin eskainiko duzun denbora zehaztu.
Boluntario bezala lan egiteko gehien atsegin duzun arloa aukeratu.
Erakundearekin egingo dituzun lanak zehaztu.
Erakundeen inguruan informatu eta egokiena aukeratu. Horretarako, boluntariotza agentzietara jo dezakezu.

Boluntariotza agentziak Euskadin

Boluntario gisa arituko direnei zein irabazi asmorik gabeko entitateei informazioa, orientazioa, oinarrizko formakuntza eta abar eskaintzen dizkie.

BATeKIN (Araba)

BATEKIN. Participación Social BATeKIN Arabako agentzia bat da boluntariotzarako eta parte-hartze sozialerako, eta jaio da Arabako elkarte-sarea eta elkarteetako boluntarioak sustatzeko atzeman diren beharrei erantzute aldera.

Ekintza boluntarioa sustatu eta sendotzea du helburu, bizi-kalitatea handitzeko, eta kohesio nahiz justizia sozial handiagoa lortzeko, herritar aktibo antolatuen adierazgarri. Horretarako, doako eta kalitatezko zerbitzua eskaintzen die boluntarioei eta boluntariotza-lanean hasi nahi duten guztiei, eta era berean, Araban egoitzan duten irabazi-asmorik gabeko erakundeei, hots, boluntariotza-ekimenak dituztenei edo antolatu nahi dituztenei.

BATeKIN parte hartze soizialerako gunea
Cantón de Santa Maria 4, Vitoria-Gasteiz - Tel.: 945 03 99 82 aupa@batekin.org

Bolunta (Bizkaia)

Boluntaren logoa Boluntak zerbitzu integrala, doakoa eta kalitatezkoa eskaintzen die irabazi asmorik gabe lan egiten duten erakundeei eta boluntario bezala lanean hasi behar diren pertsonei. Horretarako, talde profesional bat du Boluntak. Bizkaian lan egiten du.
Bolunta Boluntariotza eta Elkarteentzako Agentzia (Bizkaia)
Ronda z/g - 48005 Bilbao Tel.: 944 16 15 11 bolunta@bolunta.org

Gizalde (Gipuzkoa)

Gizalderen logoa Gaur egun Gipuzkoako boluntario eta taldeen biltoki bilakatu da Gizalde. Izan ere, agentziak hainbat zerbitzu eskaintzen ditu, hala nola, informazioa, aholkularitza, errekurtsoak eta gizarte ekintzen artean bitarteko lana.