Abalei buruzko informazioa

Abala eskatzeko, programari atxikitako finantza-erakundeetara jo beharko duzu. Programa arautzen duen 144/2025 Dekretuan ezarritako baldintzak eta betebeharrak betetzen direla egiaztatzeko eskatuko dizute, eta beharrezko dokumentazioa aurkeztu beharko duzu. Azterketa hori egin ondoren, finantza-erakundeak finantzaketa-eragiketa eman edo ukatzeari buruzko erabakia hartuko du, barne-prozeduren eta banku-erabileren arabera.

Egun, 4 banku daude atxikita: Kutxabank, Bankoa Abanca, CaixaBank y Laboral Kutxa.

Hipoteka-kredituaren baldintzak banketxearekin negoziatuko ditu pertsona bakoitzak, eta Eusko Jaurlaritzak, higiezinaren erreferentzia-balioaren %80 baino gehiago ematen bada, %80 horretatik gorakoa eta %100 artekoa bermatuko du. FEIk ez du esku hartzen finantzaketa-eragiketak aztertzen edo onartzen/ukatzen.

Higiezinaren erreferentzia-balioa tasazio-balioaren eta etxebizitzaren erosketa-prezioaren, zergen eta gastu ez barneratuen arteko txikiena da. Abalaren gehieneko ehunekoa kalkulatzeko erabiltzen den balioa izango da.

Programa honekin laguntza behar baduzu, Gazteria eta Emantzipazioko Zuzendaritzara edo Finantzen Euskal Erakundera jo dezakezu (info@ivf-fei.eus). Gainera, GAZen bulegoetan (Bilbo, Gasteiz eta Barakaldo) eta Gazteaukeraren webguneko GAZ birtualean bulegoan programari buruzko aholkuak eman ahal izango dizkizute.

Era berean, atxikitako finantza-erakundeek informazioa eman ahal izango dizute eskaera egiteko prozedurari, bete beharreko baldintzei eta abala lortzeko aurkeztu beharreko dokumentazioari buruz.

Bai, abala etxebizitza libreak edo babestuak erosteko eskatu ahal izango da. Hala ere, eskatzaileek babes ofizialeko etxebizitza bat eskuratzeko baldintza espezifikoak ere bete beharko dituzte.

Ez, abalak etxebizitzaren balioa baino ez du estaliko, haren erosketari lotutako zergak eta gastuak sartu gabe.

Argitzeko, etxebizitza bera eta hipoteka-mailegu berean eskrituratutako eranskinak hartuko dira etxebizitzatzat. Eranskintzat hartuko dira etxebizitzarako ez diren elementuak, hala nola trastelekua, garajea, teilatupea, sotoa, upeltegiak edo elementu komun bati edo bide publikoari irteera propioa izateagatik aprobetxa daitekeen beste edozein, jabetza osatzen duen tituluan definituta eta jasota daudenak.

Abala ez dago onuradunen lan-egoerari lotuta, hipoteka-maileguaren kuotak ez ordaintzeari baizik. Horrelakorik gertatuz gero, finantza-erakundeak berreskuratze-, kobratze- edo gauzatze-ekintzak egingo ditu, finantza-erakundeen araudiarekin eta praktikekin bat etorriz.

Hipoteka-maileguaren kuotak ordaintzen ez badira, finantza-erakundeak berreskuratze-, kobratze- edo gauzatze-ekintzak egingo ditu, bai FEIk abalatutako zatiarentzat, bai abalatu gabekoarentzat, finantza-erakundeen araudiarekin eta praktikekin bat etorriz.

Araudiak ezartzen duenez, etxebizitza aldatzea eskatzen duten inguruabarrak daudenean, hala nola Euskal Autonomia Erkidegotik kanpo lantokia aldatzea, alokatu ahal izango duzu. Aldaketa horiek behar bezala egiaztatu beharko dira, eta FEIk baloratu eta baimendu beharko ditu.

Abala indarrean dagoen bitartean etxebizitza saldu edo dohaintzan eman nahi baduzu, abala ez da zure ohiko etxebizitza izango. Beraz, salmentaren unean maileguan ordaintzeke dagoen printzipala nominalaren % 80 baino handiagoa bada, behar den zenbatekoa aldez aurretik amortizatu beharko duzu, abalatutako maileguaren nominalaren % 80 adinako saldo bizia lortu arte.

Dekretuaren 25. artikuluak salbuespen bat jasotzen du jabekidetza azkentzen den kasuetarako, eta abalak indarrean jarraituko du etxebizitza higiezinaren bi jabeetako bati esleitzen bazaio.

Abalaren indarraldia amaitutakoan, ez da murrizketarik egongo erositako etxebizitza emateari, saltzeari edo alokatzeari dagokionez.

Etxebizitzaren erosleen arteko jabekidetza azkentzen bada (dibortzio-epaia, irabazpidezko sozietatearen likidazioa, etab.), abalak indarrean jarraituko du, betiere etxebizitza bi erosleetako bati esleitzen bazaio eta ohiko etxebizitza gisa mantentzen badu.

Etxebizitza zure zerga-egoitza izan daiteke, baldin eta abala indarrean dagoen bitartean zure ohiko etxebizitza iraunkorra bada. Ezin izango da etxebizitza erabili jarduera ekonomiko bat gauzatzeko, eta mailegua ezin izango da negozio-lokalak erosteko erabili.

Ez, abala indarrean egongo da hipoteka-maileguaren saldo bizia haren nominalaren % 80 baino txikiagoa izan arte. Eskabideak aurkezteko epea da muga bakarra, eta 2029ko urriaren 31n amaituko da, edo programaren gehieneko zenbateko osoa (144.000.000 €) agortzen den unean.

Ez, ez dago gutxieneko diru-sarrerarik abala eskuratzeko baina bai maximo bat. Etxebizitza eskuratzen duten pertsonen urteko diru-sarrerak ezin izango dira 50.400 eurotik gorakoak izan etxebizitza pertsona batek eskuratzen badu, eta 86.400 eurotik gorakoak bi pertsonak eskuratzen badute.

Hala ere, finantza-erakundeak erabakiko du finantzaketa eman ala ez, bere arrisku-politikaren arabera; beraz, eskatzaileen kaudimena egiaztatuko dute, finantzaketa eta abala eman aurretik.

Finantza-erakundeak erabakitzen badu ez duzula betetzen programa arautzen duen dekretuan jasotako baldintzaren bat, ezingo dizu abalik eman. Abala eman ondorengo baldintzak betetzen ez direla antzemanez gero, onuradunek urteko % 1eko komisioa ordaindu beharko dute, Dekretuaren 28. artikuluan ezarritakoaren arabera.

Programa dagoeneko martxan dago atxikitako hainbat finantza-erakunderekin. Bankuen zerrenda eguneratua IVFren webgunean eta Gazteaukeran kontsulta daiteke.

Ez FEIk ez finantza-erakundeak ez dute inolako komisiorik aplikatuko abalagatik. Abal hori doakoa izango da eskatzaileentzat, baldintzak betetzen ez direla detektatzen denean izan ezik. Abalaren komisioa % 1ekoa izango da, programa arautzen duen dekretuaren 28. artikuluan ezarritakoaren arabera.

Finantza-erakundeek, oro har, etxebizitzaren erreferentzia-balioaren % 80rainoko hipoteka-maileguak ematen dituzte. Abal horri esker, finantza-erakundeak balio horren % 100erainoko finantzaketa eman ahal izango dizu, eta, hala, zure lehen etxebizitza erosi ahal izango duzu, aldez aurretik behar duzun aurrezkia izan gabe.

Abalak ez du kosturik izango zuretzat, eta eman dizun maileguaren printzipal osoa itzuli beharko diozu bankuari, baita horrek sortutako interesak ere, zure finantza-erakundearekin negoziatu dituzun baldintzen arabera.

Abalak zure lehen etxebizitza eta eranskinak erosteko finantzaketa baino ez du estaliko, erosketarekin lotutako zergak eta gastuak eta etxebizitza egokitzearekin lotutako gastuak sartu gabe.