Euskadiko Gazteak Lankidetzan 2025
Eskabidea on line egin beharko da eta identifikazio elektronikoko bitartekoa beharko da (BakQ, adibidez). Epea abenduaren 19an irekiko da.
Honako datuak adierazi beharko dira:
- nortasun-datuak
- pasaportearen zenbakia eta iraungitze-data
- prestakuntza akademikoari eta bestelako prestakuntzari buruzkoak
- lan-arloko eta boluntariotzako esperientziari buruzkoak.
ADI! Momentuz ez duzu dokumenturik igo behar, soilik aurrehautatua bazara.
Izena emateko epea
Izena emateko epea abenduaren 19an hasi eta otsailaren 17an bukatuko da.
Izena emateko eskabidea online bete behar duzu, eta, horretarako, identifikazio elektronikoko bitarteko bat behar duzu, BakQ, adibidez.
Honako datu hauek adierazi behar dituzu:
- Nortasun-datuak.
- Prestakuntza akademikoari eta bestelako prestakuntzari buruzko datuak.
- Lan-arloari eta boluntariotzari buruzko datuak.
Aurrehautatutako pertsonak
Aurrehautatutako pertsonen eta ordezkoen zerrendak martxoaren 5ean argitaratuko dira, hemen.
Ondoren, aurrehautatutako pertsonek martxoaren 21ean, 22an eta 23an Barriako Aterpetxean izango diren hautaketa jardunaldietara joango direla konfirmatu behar dute. Horretarako, Barriara joan botoian klikatu beharko dute. Gainera, Eusko Jaurlaritzak jartzen dituen autobusetan edo autoz joango diren eta dieta berezirik duten adierazi beharko dute (argibideak).
Hautaketa-prozesuan jarraitzeko ezinbestekoa izango da hautaketa asteburura joatea.
Aurrehautatutako pertsonek honako dokumentazio hau eraman beharko dute Barriako Aterpetxera:
- Eskabide-orrian adierazitako prestakuntza eta eskarmentua frogatzen duten tituluak eta ziurtagiriak (kopiak).
- Karnet tamainako bi argazki.
GARRANTZITSUA: Barriara joan aurretik, aurrehautatutako pertsonek izen-emate eskabidean adierazitako prestakuntza eta eskarmentua frogatzen duten tituluak eta agiriak igo behar dituzte Nire Karpetara.
