Izena ematea 2020ko Euskadiko Gazteak Lankidetzan programan
Epea: 2020ko otsailaren 21a arte (epea luzatu da).
Eskabidea on line egin beharko da eta identifikazio elektronikoko bitartekoa beharko da (B@kQ, adibidez).
Honako datuak adierazi beharko dira:
- nortasun-datuak
- prestakuntza akademikoari eta bestelako prestakuntzari buruzkoak
- lan-arloko eta boluntariotzako esperientziari buruzkoak.
Aurrehautatuak izan diren pertsonak
Aurrehautatuak izan diren pertsonek Barriara joango direla konfirmatu behar dute. Gainera, Eusko Jaurlaritzak jartzen dituen autobusetan joango diren esan eta dieta berezirik duten esan beharko da (argibideak).
Barriako egonaldia atzeratu da
Osasun arrazoiak tarteko, Barriako aterpetxean martxoaren 20, 21 eta 22rako aurreikusitako egonaldia atzeratzea erabaki da
Barriara joatea ezinbestekoa da prozesuan jarraitzeko.
Aurrehautatuak izan diren pertsonek ondorengo dokumentazioa eraman beharko dute Barriara:
- Izena emateko eskabidean aitortutako prestakuntza eta esperientzia frogatzen duten titulazio eta ziurtagiriak (kopiak).
- Karnet tamainako bi argazki.
GARRANTZITSUA: aurrehautatuak izan diren pertsonek, inskripzio eskaeran adierazitako prestakuntza eta esperientzia egiaztatzeko beharrezkoak diren titulazioak eta agiriak igo beharko dituzte Nire Karpetara.
