Elkarrizketa "Aniztasun funtzionala duten pertsonen inklusioa gazteei zuzendutako jarduera, programa eta zerbitzuetan” ikastaroko prestatzaileei. Ruth San Cristobal Garamendi, Itziar Sánchez Garigorta eta Nagore Alvarez Llorente. AMESTEN elkartea: Inklusio, orientazio, prestakuntza eta gizarte ekintza.
- Zer helburu dituzue ikastaro honekin?
Ruth: Aniztasun funtzionala duten pertsonak, aukera-berdintasunak edukitzeko eskubideaz aparte desberdinak izateko eskubidea ere badute. Gure ustez, garrantzitsua da aniztasun funtzionala giza aniztasun aitortzea, ertsona guztiok desberdinak garela jabetuta eta desberdintasunak baliozko egitate gisa eta ez mugatzen duen ezaugarri gisa aitortzeko eskubidea aldarrikatuz. Gaur egun oraindik zaila da aniztasun funtzionala duten gazteentzako jarduera eta programetan esperientzia inklusiboak aurkitzea. Prestakuntza honen bidez, ikuspegi zabala eskaini nahi dugu gazte-zerbitzuetan sartzeak duen garrantziari buruz, desberdintasunen balio positibotik abiatuta, eta, aldi berean, ingurune inklusiboak sortzeko tresnak partekatu.
- Zer da aisialdi inklusiboa?
Nagore: Aisialdi inklusiboak pertsona guztiek kalitatezko aisialdirako sarbidea izatea ahalbidetzen du. Gainera, gizarteratzeak onurak dakarzkio komunitate guztiari, pertsonen arteko harremanak sustatzen duelako, beraz, inklusioa beti batzen eta aberasten duen prozesua da. Alde batetik, beharrezkoa da aniztasuna onartzeko, elkarri laguntzeko eta lankidetza kultura garatzeko. Bestalde, behar diren laguntza eta baliabideak eskaintzea dibertsitate funtzionala duen pertsonak askatasunez eta ekitatezko baldintzetan parte hartu ahal izan dezan aukeratzen dituen espazio eta jardueretan.
- Zeintzuk dira esku-hartzearen gakoak?
Itziar: Guretzat garrantzitsua da persona izatea lehentasuna eta zerbitzuaren erdigunea. Horrela, ematen zaizkion laguntzak eta aukerak beren nahiekin, beharrekin eta interesekin bat egiten dute beti. Lan hezitzailea ere egiten dugu, bai pertsonarekin, bai familiarekin eta beste gazteekin.
- Zeintzuk dira erronka nagusiak inklusioaz ari garenean?
Itziar: Beharrezkoa da aniztasun funtzionala duten gazteek eta bere familiek komunitatean parte hartzea eskubide gisa onartzea. Halaber, sentsibilizazioan eta prestakuntzan lan handia egin behar da estereotipoak desmuntatzeko eta aniztasun funtzionalari buruz dugun ikusmoldea zabaltzeko, baina, batez ere, beharrezkoa da teoriatik praktikara igarotzea eta espazio inklusiboak sortzea, non pertsona anitzak mugarik eta oztoporik gabe erlazionatu eta aitortuko diren.
Jarrai gaitzazu gizarte-sareetan!
