Logotipo de Facebook Logotipo de Twitter Logotipo de RSS

15-29 urteko euskal gazteen % 32,8k dio euskarazko libururen bat irakurri duela azken hiru hilabeteetan

Argitalpen-data: 

Gazteen Euskal Behatokiak, abenduaren 3an ospatuko den Euskararen Nazioarteko Egunaren harira, Euskadiko 15-29 urteko gazteen euskarazko irakurketari buruzko datuen aurrerapena argitaratu du, "Euskadiko Gazteak 2020/2021" ikerketatik datozenak. Ikerketa hau lau urtekoa da, baina pandemia dela eta, 2020rako aurreikusitako galdera batzuk, hala nola jarduera artistiko eta kulturalei buruzkoak, 2021era atzeratu ziren. 2020tik 2021era egindako bi inkestei dagozkien datuak biltzen ditu txostenak.

2021ean, 15 eta 29 urte bitarteko gazteen % 32,8k adierazi du euskarazko libururen bat irakurri duela azken hiru hilabeteetan. Gizonen eta emakumeen arteko aldea ez da irakurketan oro har bezain handia. Emakumeen artean, % 34,9k dio euskarazko libururen bat irakurri duela azken hiru hilabeteetan, eta gizonen artean, berriz, % 30,8k.

15 eta 19 urte bitarteko gazteen % 55,2k esan du azken hiru hilabeteetan euskarazko liburu bat irakurri duela; ehuneko hori % 22,8ra jaisten da hurrengo bost urteko taldean, 20 eta 24 urte bitartekoen taldean, ziurrenik ikasketak aldatu direlako. Euskaraz irakurtzen duten pertsonen ehunekoa are gehiago jaisten da hurrengo adin-taldeari erreparatuz gero, hau da, 25 eta 29 urte bitartekoei erreparatuz gero; izan ere, azken hiru hilabeteetan % 19,1ek adierazi du euskarazko libururen bat irakurri duela.

Azken 3 hilabeteetan libururen bat euskaraz irakurri duten 15-29 urteko gazteen ehunekoa, sexuaren eta adinaren arabera (%)