GEBek ‘Bizipen-tailerra eta hausnarketa partekatua: Nerabeekin maskulinitateari buruzko lanaren erronkak. Estrategiak eta baliabide pedagogikoak ’ ikastaroa antolatu du.
Irakaslea Juan Manuel Feito Guerrero izango da, gizarte hezitzailea eta ‘Piper Txuriak’, berdintasunaren aldeko gizon elkarteko kidea. Elkarrizketa irakaslearekin.
Helburu orokorra honako hau da: talde-dinamikan eta hausnarketan oinarritutako bizipen-ikaskuntzako eremu bat sortzea, parte-hartzaileak maskulinitateari buruzko lanaren esanahia eta dimentsioa ulertzera eramango dituena, eta nerabeekin hezkuntza arlo baten barruan gai horri heltzeko estrategia eta baliabide pedagogikoak garatzera eramango dituena.
Beste helburu batzuk:
- Gazteak entzuten eta balioestean oinarritutako hezkuntza esku hartzeko metodologia ikastea.
- Tresna pedagogiko zehatzak sortzea hezitzaileok nerabeekin lan hori egin ahal izateko, eta arrakasta izan duten tresna batzuk ezagutaraztea.
- Gizonezkoen dominazioan oinarritutako maskulinotasun patriarkala eraikitzen duten genero-sozializazioko mekanismoak identifikatzea.
- Maskulinitate hegemoniko tradizionalaren estereotipoak eta genero-ezaugarriak arakatzea, "femeninoekin" alderatuz.
- Aurrekoari lotuta gizonen eta emakumeen bizitza baldintzatzen eta kaltetzen duten moduak ulertzea, maila guztietan.
- Bestelako maskulinotasunak erakustea, berdintasun- eta lankidetza-balioetan oinarritzen baitira, eta femeninoarekiko errespetuan.
Ikastaroaren liburuxka (PDF, 133 KB)
Ikastaroaren hizkuntza: gaztelera. Irakasleak euskararen erabilera sustatuko du, eta batzuetan erabiliko du. Dena den, partaideek erabili ahal izango dute bai euskara, bai gaztelera.
Gasteizen:
- Noiz: urriak 7, 14, 21 eta 28.
- Hizkuntza: gaztelera.
- Non: Landatxo Gizarte etxea. Santa Maria kalea, 4 A. (leku aldaketa gerta liteke)
- Ordutegia: 9:00etatik 14:00etara.
- Izena emateko epea (bi epe zabalduko ditugu): ekainaren 4tik 10era eta lekurik geratuz gero, irailaren 16tik 23ra.
- Taldea: 20 lagun.
Donostian:
- Noiz: urriak 10, 17, 24 eta 31.
- Hizkuntza: gaztelera.
- Non: CRAJ, Anoeta 28.
- Ordutegia: 9:00etatik 14:00etara.
- Izena emateko epea: (bi epe zabalduko ditugu): ekainaren 4tik 10era eta lekurik geratuz gero, irailaren 16tik 23ra.
- Taldea: 20 lagun.
gaztebehatokia@euskadi.eus
Tel.: 94 4031645
Hartzaileak: lehentasuna izango dute gazteekin lanean edo elkarlanean (entitateetan, elkarteetan, herri-administrazioetan, enpresetan, ikastetxeetan, boluntario-lanetan...) dihardutenek. Horrez gain, kontuan izango da izen-emateen hurrenkera.
- Gazteriaren esparruko langileak (gazte-informazioa, udalak, aldundiak, gazteen elkarteak eta aisialdikoak, eta beste entitate batzuk)
- Gizarte hezitzaileak eta senitartekoak.
- Bigarren Hezkuntzako Ikastetxeetako orientatzaileak
Oharra:
Ikastaroak kudeatzen dituen aplikazioa eguneratu dugu. Aurrerantzean ziurtagiri digitala beharko duzu izena emateko. Horren bidez, zure inskripzioaren egoerari buruzko informazioa eskuratu ahal izango duzu, eta, ikastaroa amaitutakoan, bertaratzeko eta ebaluatzeko baldintzak bete badituzu, ikastaroaren ziurtagiria deskargatu ahal izango duzu. Arazorik baduzu, jarri harremanetan gaztebehatokia@euskadi.eus helbidean edo 944031645 telefonoan.
