Logotipo de Facebook Logotipo de Twitter Logotipo de RSS

Euskadik 2021ean izan du eskola uzte goiztiarraren zifrarik baxuena: 4,8 %

Argitalpen-data: 

Urtarrilaren 24an Hezkuntzaren Nazioarteko Eguna ospatzen da. Aurtengo leloa “Pertsonengan inbertitzea, hezkuntza lehenestea” da. Kalitatezko hezkuntza Garapen Jasangarrirako 17 helburuetako bat da.

Eskola uzte goiztiarrak hauxe adierazten du: gehienez ere Derrigorrezko Bigarren Hezkuntza (DBH) gainditu eta ikasketa edo prestakuntza gehiago jaso ez duten 18 eta 24 urte bitarteko gazteen ehunekoa. Euskadin eskola uzte goiztiarra % 4,8 izan da 2021ean (% 4,9 emakumeen artean eta % 4,7 gizonen artean). Portzentaje orokor hori 2010tik 2021era doan seriearen baxuena izan da, nahiz eta emakumeen artean pixka bat igo den 2018-2020 aldiarekiko.

Euskadiko 18 eta 24 urte bitarteko biztanleriaren eskola uzte goiztiarraren tasaren bilakaera, sexuaren arabera (%)

2021eko datu horiek (erabilgarri dauden azken datuak) Europar Batasunean jasotakoekin konparatuz gero, ikus dezakegu Euskadikoa Europako batez bestekoaren azpitik dagoela (%9,7 da EBko batez bestekoa) eta, Espainiako datuarekin alderatuz gero, aldea are handiagoa da (Espainian % 13,3 baita).

EB27ko 18 eta 24 urte bitarteko biztanleriaren eskola uzte goiztiarraren tasa 2021ean (%)

Datu horiek eta beraien bilakaera, bai eta sexuaren araberako banaketa ere, Gazteen Euskal Behatokiak  bere webgunean eskaintzen dituen estatistiketan kontsulta daitezke, “Hezkuntza” izeneko atalean, hain zuzen ere.